विहिरीत आढळला शरीरापासून डोके नसलेला.. दोन हात आणि एक पाय नसलेला मृतदेह
विहिरीत आढळला शरीरापासून डोके नसलेला.. दोन हात आणि एक पाय नसलेला मृतदेह
श्रीगोंदा प्रतिनीधी – अमोल बोरगे
श्रीगोंदा तालुक्यातील दानेवाडी परिसरात आणि बेलवंडी पोलीस स्टेशन कार्यक्षेत्रात एका अज्ञात पुरुषाचा शरीरापासून डोके नसलेला मृतदेह आढळून आल्याने मोठी खळबळ उडाली आहे. साधारणपणे २५ ते ३० वर्षे वयोगटातील या व्यक्तीचा मृतदेह पोत्यात दगड भरून विहिरीत टाकण्यात आला होता.
बेलवंडी पोलीस स्टेशनच्या पथकाने घटनास्थळी धाव घेत पाहणी केली असता, मृतदेह पोत्यातून बाहेर काढण्यात आला आहे अशी प्राथमिक माहिती मिळत आहे. विशेष म्हणजे या मृतदेहाला डोके, दोन हात आणि एक पाय नव्हता. तसेच पोत्यात दगड भरलेले असल्याने तो जाणूनबुजून विहिरीत टाकल्याचा संशय पोलिसांनी व्यक्त केला आहे.
या घटनेमुळे संपूर्ण दानेवाडी परिसरात भीतीचे वातावरण पसरले असून, हा निर्घृण खून आहे की अन्य काही, याचा तपास बेलवंडी पोलीस स्टेशनचे मारुती कोळपे करीत आहेत. सध्या मृतदेहाची ओळख पटलेली नसून, पोलिसांकडून तपास सुरू आहे. घटनास्थळी अहिल्यानगरचे पोलीस अधीक्षक , पोलीस उपअधीक्षक, बेलवंडी पोलीस निरीक्षक तसेच स्थानिक गुन्हे शाखा चे पोलीस,श्वान पथक ,अंगुली पथक, अनेक पथके घटनास्थळी येत आहे .
श्रीगोंदा तालुक्यातील दानेवाडी हे गाव श्रीगोंदा तालुक्याच्या पुणे जिल्हा व शिरूर तालुक्याच्या सीमेवर असल्यामुळे या प्रकरणाचा तपास करण्यासाठी पोलिसांना कसून तपास करावा लागणार आहे .
