महागणपती मल्टिस्टेट को ऑप . सोसायटीला ५ कोटी ७५ लाखांचा ढोबळ नफा – चेअरमन विकास बेंगडे पाटील

महागणपती मल्टिस्टेट को ऑप . सोसायटीला ५ कोटी ७५ लाखांचा ढोबळ नफा – चेअरमन विकास बेंगडे पाटील .

प्रतिनिधी :- सुदाम दरेकर पारनेर :-

पारनेर – सोमवार दि ३१ मार्च या २०२४ – २५ या आर्थिक वर्षात महागणपती मल्टिस्टेट संस्थेला ५ कोटी ७५ लाख रुपयांचा ढोबळ नफा झाला आहे , अशी माहिती संस्थेचे चेअरमन विकास बेंगडे पाटील यांनी ” दैनिक पारनेर समर्थ ” बोलताना दिली.
ते पुढे म्हणाले की , संस्थेच्या मार्च २०२५ अखेर ७७ कोटी २४ लाख रुपयांच्या ठेवी आहेत. संस्थेचे खेळते भांडवल १५२ कोटी ४१लाख रुपये आहे. संस्थेने कर्ज ५४ कोटी ३० लाख रुपये वाटप केले असून राखीव व इतर निधी रु. ३३ लाख रुपये आहे. संस्थेची गुंतवणूक १३ कोटी १८ लाख असून कायम मालमत्ता ६ कोटी २५ लाख रुपये आहे. संस्थेचे वसूल भाग भांडवल ५ कोटी ५९ लाख रुपये आहे , चेअरमन बेंगडे पाटील म्हणाले .
ते पुढे म्हणाले की , संस्थेने स्थापनेच्या कालावधी पासून सभासदांच्या विश्वासावर प्रगती केलेली आहे . सभासदांना घर बांधणी, व्यवसाय, स्थावर मालमत्ता खरेदी, वाहन खरेदी , गोरगरीब गरजू घटक, सुशिक्षित बेरोजगार, शेतकरी, लघुउद्योग, होतकरू कामगार यांना आर्थिक प्रगती करता यावी , यासाठी संस्थेच्या माध्यमातून कर्ज वितरण करून आर्थिक विकास करण्याचा प्रयत्न केला आहे.
संस्थेचे खातेदार , ठेवीदार , सभासदांना अद्यावत कोअर बँकिंग, मोबाईल बँकिंग, चेक क्लिअरींग सुविधा, एसएमएस सुविधांमुळे ग्राहकांना उपलब्ध करून दिल्याने सर्व माहिती तात्काळ मिळत आहे. तसेच संस्थेच्या सर्व शाखांमधून आरटीजीएस व एनईएफटी सुविधा सुरू करण्यात आल्याचे माहिती ही चेअरमन बेंगडे पाटील यांनी सांगितले.