शिक्षण क्षेत्रात मुंबईस्थित कार्यरत आसणाऱ्या पारनेरच्या भुमीपुत्राची गरुडझेप ! भाऊसाहेब आहेर सर यांना साने गुरुजी आदर्श शिक्षक पुरस्कार जाहीर !
शिक्षण क्षेत्रात मुंबईस्थित कार्यरत आसणाऱ्या पारनेरच्या भुमीपुत्राची गरुडझेप !
भाऊसाहेब आहेर सर यांना साने गुरुजी आदर्श शिक्षक पुरस्कार जाहीर !
प्रतिनिधी :- सुदाम दरेकर पारनेर :-
सामाजिक , राजकीय , धार्मिक , शैक्षणिक क्षेत्रासह विविध क्षेत्रात पारनेर तालुक्याचे नाव देशभर पोचविणारे अनेक ज्ञानवंत ,गुणवंतांची खान म्हणून पारनेर तालुका ओळखला जातो .त्यापैकीच एक असणारे पारनेर तालुक्यातील पळसपूर येथील भूमिपुत्र असणारे व शिक्षण क्षेत्रात मुंबई स्थित कार्यरत असणारे भाऊसाहेब आहेर सर यांचे नाव घेता येईल .
मुंबई महापालिका माध्यमिक शिक्षक संघ आणि सहकार मित्र सुरेश डावरे सहकारी पतसंस्थेच्या वतीने सालाबाद प्रमाणे दिला जाणारा मानाचा साने गुरुजी आदर्श शिक्षक पुरस्कार यावर्षी सेकंडरी स्कुल्स एम्प्लॉईस क्रेडिट सोसायटीचे संचालक व माध्यमिक शिक्षक संघाचे उपाध्यक्ष भाऊसाहेब आहेर सर यांना जाहीर झाला असून , २०२४ या वर्षाच्या अखेरीस म्हणजे बुधवार दि .२५ डिसेंबरला उपस्थित मान्यवरांच्या हस्ते घाटकोपर येथील पाटीदार हॉल सभागृहात सुपूर्द केला जाणार आहे .
आहेर हे गेली ३० वर्षे शैक्षणिक व सहकार क्षेत्रात काम करीत असून त्यांच्या कामाची दखल घेत संस्थेने साने गुरुजी आदर्श शिक्षक पुरस्कार जाहीर केला आहे . पुरस्कार जाहीर झाल्यानंतर नगर दक्षिणचे खासदार निलेश लंके , अनेक मित्र परिवार ,शैक्षणिक क्षेत्रासह सर्वच क्षेत्रातील हितचिंतक व मान्यवरांनी भाऊसाहेब आहेर सर यांचे अभिनंदन केले आहे .
